ချစ်သမီး

သမီးကို ဒယ်ဒီက ဘေဘီတဲ့၊ သမီးလေးတဲ့။ မာမီက အချစ်လေးတဲ့။ ကြီးဒေါ်တွေက ပူတူးတဲ့။ ဘွားကြီးက ကောင်မလေးတဲ့။ သမီးနာမည်က.....(အင်..ဒူပါလိမ့်).... သိတ်မခေါ်ကြတော့ နာမည်တောင် ခပ်မေ့မေ့ရယ်။ ဒီလထဲမှာ သမီးအသက် ၂နှစ်ပြည့်သွားပြီ။ သူများတွေကမေးရင် အမြဲတမ်းလက်သုံးချောင်း ထောင်ပြတတ်တယ်။ ၂ချောင်းထဲမှ မထောင်တတ်တာ။ မွေးနေ့ကိတ်မှာတောင် ဖယောင်းတိုင် ၃ချောင်း မီးထွန်းရတာပဲဟာကို...နော။ ဒယ်ဒီက မွေးနေ့ကိတ်မုန့်ဝယ်ပေးတယ်။ “မစ်ကီမောက်ပုံကြိုက်လား၊ တွစ်တီပုံကြိုက်လား” တဲ့။ ကြိုက်ပါဘူး။ ပူးရ်ှပုံနဲ့ပဲ ၀ယ်ပေး။ ဟတ်ပီးဘတ်ဒေးလဲ လုပ်ပြီးရော သူတို့ပဲ စားသွားကြတယ်။ သမီးကိုတော့ နဲနဲပဲစားတဲ့။ အချိုများတယ်တဲ့။ ချောင်းဆိုးမယ်တဲ့။ အဟင့်....

တနေ့တနေ့ သမီးဘာလုပ်နေသလဲ။ ဟုတ်လား။ မနက်ဆို ကျောင်းသွားမယ်။ နေ့လည် အိမ်ပြန်အိပ်မယ်။ ညနေဆိုရင် ဒယ်ဒီရုံးပြန်အလာကို ကြိုမယ်။ ဒယ်ဒီအ၀တ်အစားလဲရင် ပုဆိုးနဲ့ စွပ်ကျယ်ယူပေးမယ်။ ခါးပတ်ချွတ်ပေးမယ်။ အံမယ်... ချွတ်တတ်တာပေါ့။ ဒယ်ဒီကတော့ ဟိုလိုလုပ်ရတယ်၊ ဒီလိုလုပ်ရတယ်နဲ့။ တော်တော် ဆရာလုပ်။ သမီးကတော့ ဒီလိုပဲ အတင်းဆွဲချလိုက်တာပဲ။ အဓိကက ခါးပတ်နဲ့ ဘောင်းဘီ တခြားစီဖြစ်သွားဖို့ မဟုတ်ဘူးလား...နော။

နောက်ပြီး ဒယ်ဒီက အရမ်းကွန်ပလိန်းတက်တာပဲ။ သမီးကို ချီရလို့တဲ့။ ခါးနာနေတယ်တဲ့။ သမီးဝိတ်က ၁၆.၅ ကီလိုပဲရှိတာလေးကိုများ။ အရပ်လား။ သိတ်မရှိပါဘူး။ ဒယ်ဒီခါးလောက်ပဲရှိတယ်။ ဟိုတရက်က တိုင်းကြည့်တာ ၀.၉၄ မီတာတဲ့။ အိမ်မှာတောင် တွေ့ရာကဒ်ပြားနဲ့ ဘတ်စ်ကားအတက်အဆင်း လေ့ကျင့်နေသေးတယ်။ ဆိုဖာလက်တန်းတွေကို ကဒ်ပြားနဲ့တို့လိုက်၊ “တီ” လို့ ပါးစပ်ကအော်လိုက်နဲ့ပေါ့။ ဒီတခါ အမ်မာတီစီးရင် ဒယ်ဒီကို တကယ့်ကဒ်ပြားအစစ်ဝယ်ခိုင်းရမယ်။ မ၀ယ်ပေးရင် ဟိုမှန်လုံအခန်းထဲက အန်တီနဲ့ သွားတိုင်ပြောမယ်။ ဟွန်း....။ ဒယ်ဒီက တခြားနေရာတွေမှာသာ “သမီးလေး လမ်းဆင်းလျှောက်ပါလား” “ဒယ်ဒီနဲ့ လက်တွဲပြီး လမ်းလျှောက်မယ်လေ” ဆိုပြီး လုပ်နေတာ။ အမ်မာတီအ၀င်အထွက်ဆိုရင်တော့ လမ်းလျှောက်ပါမယ်ဆိုတာတောင် မရဘူး။ အတင်းချီတာပဲ။ ဘယ်လိုနားလည်ရမှန်းမသိတော့ဘူး။ ဒါကြောင့် လူကြီးတွေ ခက်တယ်လို့ပြောတာ။

ဘာလဲ စာဖတ်ရတာနဲ့ အားမရဘူး။ ဟုတ်လား။ သမီးပြောပြတာကိုပဲ နားထောင်ချင်တယ်ပေါ့။ အေးလေ အလိုလိုက်ရမှာပေါ့။ လူကြီးတွေပဲဟာ။ ကဲ...အောက်က ဖိုင်ကိုဖွင့်ပြီး နားထောင်ပေတော့။