ဟိုရေး ဒီရေး

ဘာလိုလိုနဲ့ ဘလော့ဂ်တခုဖွင့်ထားတာ ၂နှစ်ပြည့်သွားခဲ့ပြီ။ ရက်ပေါင်း ၇၀၀ ကျော်မှာ ပို့စ်က ၁၅၀ကျော်လောက်ပဲဆိုတော့ ဘလော့ဂ်ရေးတယ်ဆိုတာထက် ဘလော့ဂ်ဖွင့်ထားတယ်ဆိုတာ ပိုမှန်မယ်ထင်ပါရဲ့။ စာရေးချင်တယ်ဆိုရင် စာဖတ်ဖြစ်နေဖို့လဲလိုသေးတယ်လေ။ ပထမအရွယ်တုန်းကတော့ ဖတ်ဖြစ်ပါတယ်။ “ကားနံပါတ်ရေးသည်” ဆိုတဲ့စာတောင် မချန်ဘူး။ အကုန်ဖတ်ပဲ။ ဒုတိယအရွယ်ရောက်တော့ “စာ” လို့ဆိုလိုက်ရင် “စာကလေးကျော်ကြွတ်ကြွတ်လေးနဲ့ ဘီယာလေးနဲ့ဆို အဆင်ပြေမှာပဲ”လို့ပဲ တွေးမိတော့တယ်။ တတိယအရွယ်ကျတော့ စားမြုံပြန်တယ်လေ။ ဖတ်ဘူးမှတ်ဘူးတာတွေ ပြန်မျှဝေတာမဟုတ်ဘူး။ အစာမကြေလို့ ပြန်ပြန်ဝါးနေရတာ။ စတုတ္ထအရွယ်ကို မှန်းကြည့်မိတာကတော့ ဟိုဆရာအပြော၊ ဒီပုဂ္ဂိုလ်အဟောတွေထဲက ကိုယ်လိုချင်တာတွေရွေးထုတ်၊ အဲ့တာတွေကို အကာအကွယ်ယူပြီး ရူးချင်ယောင်ဆောင်နေလိမ့်မယ် ထင်တာပဲ။ “စာ”ဆိုတာ စိတ်အတွက် အစာပဲမဟုတ်လား။ အစာကနေ အဟာရဖြစ်သွားတာရှိသလို ရင်ပြည့်ရင်ကယ်လဲဖြစ်နိုင်သေးတယ်။ အစာမကြေ၊ ရင်မချောင်လို့ လေချဉ်တက်ရင်၊ ဒါမှမဟုတ် ၀မ်းပုပ်ရင် ပတ်ဝန်းကျင်ကို ထိခိုက်နိုင်တယ်လေ။ သဘာဝပတ်ဝန်းကျင်ဆိုတာ ထိန်းသိမ်းစောင့်ရှောက်ရမယ်တဲ့။ စက်မှုနိုင်ငံကြီးတွေက ကျယ်လောင်ကျယ်လောင်ပြောနေကြတာ နားမဆံ့အောင် ကြားနေရတာပဲ။ ကာဗွန်အီမစ်ရှင်းလျော့ကျအောင်တဲ့ အောနိပွန်အဲလိုင်းက ခရီးသည်တွေကို လေယာဉ်ပေါ်မတက်ခင် အိမ်သာတက်ခိုင်းတယ်။ ဒါမှ ၀ိတ်ကျပြီး လေယာဉ်ဆီလဲသက်သာ၊ ကာဗွန်ထုတ်လွှတ်တာလဲ သက်သာ၊ ဖြစ်မယ်တဲ့။ ဒါဆို ၀တဲ့သူတွေဟာ ပတ်ဝန်းကျင် ပျက်စီးအောင် ဖျက်ဆီးနေတဲ့နေရာမှာ ရှေ့ဆုံးက တတပ်တအားပါနေတယ်လို့ ယူဆရတော့မှာပဲ။ ကျေးဇူးပြုပြီးတော့ဗျာ။ အသံတိုးတိုးဖတ်ပါ။ အိမ်က မိန်းမ ကြားသွားမှာ စိုးလို့။ မိန်းမဆိုလို့ အိမ်ကမိန်းမအကြောင်းတော့ ပြောကို မပြောချင်တော့ပါဘူးဗျာ။ မပြောချင်ဘူးဆိုတာ ပြောချင်လို့စကားခံတာလို့ မထင်နဲ့။ ပြောကို မပြောချင်တာ။ တခါတလေလဲ အပြောမရိုးရင် နားထောင်ရတဲ့သူထက် ပြောရတဲ့သူက ပြန်ပြီး အူလည်လည်ဖြစ်နေတတ်တာ တွေ့မိမှာပေါ့။ ဟိုတလောက ကြွက်ကြွက်ညံသတင်းတပုဒ်ဖတ်လိုက်တယ်။ အူလည်လည်ရေးသွားတာကို အီလည်လည်ဖတ်လိုက်ရလို့ သက်ဆိုင်ရာ ဓာတ်ပုံသတင်းကိုပါ လှန်လှောကြည့်လိုက်တယ်။ မအူမလည်ဖြစ်သွားတာနဲ့ ဆလံလေးပေး၊ “ဘရား၊ ဘရား ကုလားမှားပါတယ်” အော်ပြီး ဗီဒီယိုမှတ်တမ်းကို မကြည့်မိအောင် မနဲကျော်လိုက်ရတယ်။ ချစ်လှစွာသော အဘတို့ကို စင်ဒရဲလားမှတ်ပြီး ဒေါက်ဖိနပ်လိုက်ပေးတဲ့သတင်းပါ။ စလုံးကတော့ သစ်ခွပန်းနဲ့တောင် ဂုဏ်ပြုပေးလိုက်သေးတယ်။ စင်္ကာပူနိုင်ငံသား အတိုက်အခံနှစ်ယောက်က ဂုဏ်ပြုပွဲကို လာကန့်ကွက်သေးတယ်။ ဒါပေမဲ့ သူတို့ကံကောင်းပါတယ်။ နဲနဲလေး အချိန်လွဲသွားတယ်။ မျိုးကျော့မြိုင်သီချင်းဆိုနေလို့ နေမှာပေါ့။ “၅ မိနစ်နောက်ကျသွားတယ်ကွာ။ တောက်....” ပေါ့။ နောက်ကျတာတော့ မပြောနဲ့။ ၂နှစ်ပြည့်သွားတာက ပြီးခဲ့တဲ့လ ကထဲက။ ပို့စ်က ခုမှရေးဖြစ်တာ။ နောက်လာနောက်သားတွေ မှတ်သားစရာဖြစ်အောင် “ဆန်စင်ရာ ကျည်ပွေ့လိုက်” ရေးနည်းနဲ့ ရေးလိုက်တယ်။ အဆင်ပြေကြပါစေ။